MIKANAOG na ang 2 week growth rate (2WGR) gikan sa 962% niadtong Enero 26 ngadto sa 427% sa Enero 29, lakip ang total bed utilization rate ning syudad basi sa key indicators sa FASSSTER Philippines.

 

Apan bisan pa man niini, anaa pa gihapon sa critical level ang Cagayan de Oro ug angayan lamang nga batonan sa istriktong pagsunod ang minimum public health standards ug pagpabakuna alang niadtong mga wala pa nakadawat sa ilang first ug second dose aron malikayan ang severe to critical condition, kung mataptan sa COVID 19 virus.

 

 

Basi sa pinakaulahing datos sa active cases ning syudad, anaa na sa kapin 2,000 mil ang active cases, diin kapin 400 na ang anaa sa mga nagkalain-laing hospital ug 1,827 ang anaa sa mga isolation facilities sa syudad.

Subay niini, padayon gihapong naghangyo si Mayor Oscar Moreno ug ang Emergency Operation Center lakip City Health Office sa katawhan nga mag-amping ug likay sa mga tapok-tapok kung dili kinahanglan. (ACM/CIO)