Nahatagan og katumanan ang gisaad ni Committee on Social Services Chairperson City Councilor Girlie Balaba nga modonar og mga kagamitan alang sa mga kliyente sa Home Care for Girls.

 

Kini human gitunol ni Kagawad Balaba ang usa ka compact range ug table oven nga magamit sa mga kababayen-an nga biktima sa pagpang-abuso.

 

 

Mismo si City Social Welfare and Development (CSWD) Executive Overseer Michael Christopher Fabello, uban sa mga staff sa CSWD Centers and Institutions Division, ang midawat sa maong donasyon.

 

Sumala ni Fabello ang maong mga kahimanan dakong tabang sa mga kliyente sa Home Care for Girls sa ilang paghimo og mga pastry products sama sa banana cake ug binangkal isip kabahin sa ilang therapy session ug livelihood skills training nga gitawag og ‘Abot sa Kamot’.

 

 

Nasayran nga 70% sa ilang halin ibutang sa piggy bank, samtang ang 30% mapadulong sa ilang capital. (NLB/CIO)