MIDUYOG ang LGU-CDO pinaagi sa City Civil Registry Office ubos ni City Civil Registrar Evangeline Tapangan sa kasaulogan sa 32nd Civil Registration Month uban sa temang,"Improving Civil Registration and Vital Statistics Implementation Strategies through Digital Transformation, bag-ohay lamang.

 

Gisugdan kini pinaagi sa usa ka motorkada ug barangay outreach program diha sa barangay Dansolihon.

 

 

 

Atol sa barangay outreach program, mipailawom ang 50 ka magtiayon sa libreng pre-marriage orientation, registration ug aplikasyon sa marriage license.

 

Gawas niini, aduna usab mobile civil registration nga gitanyag ang City Civil Registry Office nga ipahigayon diha sa barangay Tuburan, Pebrero 7; barangay Pagalungan karong Pebrero 9; barangay Tagpangi karong Pebrero 10; barangay Taglimao karong Pebrero 15; barangay Tumpagon karong Pebrero 17; ug barangay Pagatpat karong Pebrero 18.

 

Aduna usab registration sa mga batang bag-ong natawo diha sa JR Borja General Hospital ug Northern Mindanao Medical Center matag weekend; virtual Regional ug National Quiz Bee nga pagasalmotan sa mga personahe sa City Civil Registry Office ug uban pang kalihokan. (NLB/CIO/Photos courtesy of CCR)