Abri bisan non-working holiday karong adlaw’ng Biyernes, Pebrero 25 apil karong Sabado ug Domingo ang Business One-Stop Shop kon BOSS sa city hall ug satellite business registration center sa SM Downtown Premier alang sa business permit renewal.

 

Namahayag si Jason Adaza, hepe sa Business Permits and Licensing Division sa City Mayor’s Office, nga magsugod ang BOSS ug SMDT gikan alas-8:00 sa buntag hangtud ala-5:00 sa hapon ugma ug karong weekend.

 

 

Samtang lugwayan usab sa City Finance Department ang ilang working hours hangtud ala-8:00 sa gabii atol sa katapusang adlaw sa deadline karong Lunes, Pebrero 28 aron mahatagan sa igong panahon ang mga negosyante sa syudad.

Kahinumduman nga gi-extend ang deadline sa business permit renewal gikan Enero 20 ngadto na sa Pebrero 28 nunot sa hangyo sa mga negosyante sa syudad nga naapektuhan ang mga negosyo tungod sa pandemya.

 

Aron dili na mahasol pagdalikyat sa city hall o kaha sa SM Downtown aron pagproseso sa ilang business permit renewal, mahimo usab ang online billing and payment system pinaagi niini nga link: https://citytreasurer.cagayandeoro.gov.ph ug services.cagayandeoro.gov.ph/bponline alang sa electronic copy sa imong business permit.

 

 

Mag-atubang na og penalty ug surcharges ang mga negosyante nga mapakyas pag-renew sa ilang business permit sulod sa gitakdang extended deadline. (IAF/CIO)