ANAA na karon sa low risk ang tanang key health indicators sa Alert Level System sa Cagayan de Oro.

 

Kini ang gibutyag ni Dr. Ted Yu, medical officer sa City Health Office human padayon ang pag-ubos sa average daily attack rate kon ADAR, two week growth rate ug total bed utilization sa syudad.

 

Sa daily press briefing kagahapon Pebrero 23, gibutyag ni Dr. Yu nga anaa na lang sa 4.04 ang ADAR sa syudad as of February 21, samtang mikanaog pa ngadto sa -85% ang 2-week growth rate, apil ang bed utilization rate nga 16.94%.

Tungod niini, mitungtong na sa low risk ang average health care utilization rate sa Cagayan de Oro nga anaa sa 18.85%.

 

 

Apan bisan pa man niini nga mga datos sa syudad, padayon gihapon ang pag-aghat ni Dr. Yu sa tanan katawhan nga magsunod kanunay sa minimum public health standards sama sa paggamit sa face mask, physical distancing, pag-disinfect sa mga kamot ug uban pa. (IAF/CIO)