GISUGDAN na karong adlawa Marso 7 ang drive-thru vaccination diha sa may SM Downtown ug SM Uptown, lakip ang house-to-house vaccination diha sa Barangay Consolacion ning syudad.

 

Ang drive-thru vaccination sa SM Downtown magsugod alas-8:00 sa buntag hangtud alas-5:00 sa hapon, samtang ang SM Uptown magsugod alas-5:00 sa hapon ngadto na sa alas-9:00 sa gabii.

Samtang ang Limketkai Mall nagpabilin pa gihapon nga mega vaccination site sa syudad.

 

 

Ang mga bag-ong istratehiya sa vaccine rollout sa syudad mo-cater sa first dose ug second dose vaccination sa 12 anyos pataas, ug booster shot alang sa 18 anyos pataas sa tuyo nga mas daghan pa ang maprotektahan ug paspas makab-ot ang ‘herd immunity’ batok sa sakit nga COVID-19.

 

Sukad gilusad ang pagpamakuna dinhi sa syudad niadtong Marso 5, 2021, anaa na sa 95.80% sa target nga 599,929 ang natupokan sa first dose, samtang 90.16% usab ang ‘fully vaccinated’ ug 19.89% pa lang ang nakadawat sa booster shots. (AGP/Photos by Rhoel Condeza/CIO)