MAPASALAMATON ang kapin 30 ka kababayen-an nga nahisakop sa Indigenous Peoples Sector human nahatagan og oportunidad nga saulogon ang ‘International Women's Day’, kagahapong adlawa, diha sa 2nd floor bridge, City Hall, ning siyudad.

 

Ang mga grupo nga mitambong gilangkoban sa Panika Ha Pusaka; AsawaCa; Nahilaran Ancestral Domain Women; Tacatco Ancestral Domain Women ug IP Youth.

 

 

Atol sa kalihokan, ilang gipakita ang nagkadaiyang talento pinaagi sa pagkanta, pagsayaw, pag-display sa ilang ginama nga handmade accessories sama sa bracelet, arites, kwentas, key chain, ref magnet, mask holder ug uban pa.

Mipakita usab sa ilang suporta sila si Committee on Women and Family Relations Chairperson City Councilor Edna Dahino; City Councilor Jay Roa- Pascual; City Councilor Malou Gaane; Ma'am Imee Moreno; City Social Welfare and Development Executive Overseer Michael Christopher Fabello, ug CSWD Community and Social Welfare Development Division Head Joan Mae Acraman.

 

 

Ang kalihukan gipasiugdahan sa CSWD IPs Section ubos ni CSWD IPs Section Focal Person Nena 'Bae Rose' Undag- Lumandong. Nunot kini sa National Women's Month nga gipahigayon matag bulan sa Marso. (NLB/CIO/Photos by Reynan Baylin and Aicy Soriano/CIO).