GIPAHIGAYON sa Job Placement Bureau – Public Employment Service Office niadtong Marso 15 ang usa ka basic orientation kalabot sa mga programa ug serbisyo sa Overseas Workers Welfare Administration (OWWA) alayon sa National Women’s Month celebration.

 

Kapin 80 ka mga repatriated Overseas Filipino Workers (OFWs) nga residente sa dakbayan ang misalmot sa maong programa diin gitanyag ang mga programa ug social services sa OWWA Region 10 nga gilangkuban sa Disability and Disbursement Benefits, Repatraiation Assistance Program, Balik Pinas! Balik Hanapbuhay Program ug uban pa.

 

Gipresentar usab atol sa kalihukan ang Tulong PUSO o’ Tulong Pangkabuhayan sa Pag-unlad ng Samahang OFWs, usa ka one-time livelihood financial grant isip suporta sa mga business plan sa start-up o’ expansion sa OFW groups nga gi-recognize sa DOLE, CDA, ug SEC.

 

Lakip usab sa mga gihisgutan ang mga programa sa OWWA sama sa Pre-departure Education Program, Training Program for Filipino Seafarers, OFW Dependent Scholarship Program, ug Short-Term Training Programs for OFWs and Dependents.

Nahimong posible ang kalihukan pinaagi sa pagpaningkamot sa lokal nga kagamhanan, inabagan sa OWWA Region 10 kinsa girepresentar sa mga kadagkuan niini nga maoy nagsilbing resource persons sa lain-laing hisgutanan. (SPP)